Summarkvøld í NAH: Landsdystur, Pub-Quiz og hugni

Summarkvøld í NAH

Fríggjakvøldið, tann 9. juni, letur Føroyingafelagið á Fyn dyrnar upp til eitt undirhaldandi hugnakvøld, áðrenn summarsteðgin. Har møguleikin er, at koma burtur frá próvtøkulesnaðin, ella tí dagliga stríðnum.

Skipa verður fyri tí vælumtóktu Pub-Quizzin, HM-undankappingardysturin, ímillum Føroyar og Sveis, verður vístur á stórskíggja, umframt at møguleiki verður fyri, at spæla ymisk spøl og hugna sær saman á terassuni.

Kl. 19.30 byrjar Pub-Quiz, dysturin verður bríkslaður ígongd kl. 20.45, og til tey, ið ikki tíma hyggja eftir fótbólti, er møguleiki fyri at spæla kort, beer-pong o.l.

Umframt tann vanliga vinningin í hvørjum umfarið, verður eisini onkur eyka vinningur latina á Pub-Quizzini. Haraftur bjóðar barrin okkurt fyri hvørt málið, ið Føroyar skora.

Tann altíð bíliga barrin verður sum vant opin, har møguleiki er at keypa øl, sider, sodavatn, popkorn og annað gott.
Tað er ikki loyvt at hava egnar drykkjuvørur við til tiltakið.

Umframt Mobile-Pay, verður eisini tikið ímóti gjaldskortum.

Øll eru hjartaliga vælkomin, føroyingar og føroyavinir.

So takið tey nærmastu í hondina og kom upp á 2. hædd í Norðuratlantshúsinum í Odense, tann 9. juni, og roynið tykkum í almennari vitan, heppa á Føroyar, ella bara at hugna tykkum.

Møguleiki verður eisini fyri, at spurningarnir verða lisnir upp á donskum, so at skilja føroyskt er ikki eitt krav.

Flaggdagshald og døgurði

Aftur í ár skipar Føroyingafelagið á Fyn fyri Flaggdagshaldi í Norðuratlantshúsinum í Odense. Aftaná verður (mánadags)døgurði serveraður fyri teimum, ið eru tilmeldað. Tilmeldingarfreist er 22. apríl.

 Flaggdagshaldið, ið er ókeypis, byrjar við at Merkið verður vundið á stong uttanfyri Norðuratlantshúsið kl. 17.00, meðan flaggsangurin, "Sjá, tú blánar" verður sungin. Síðan heldur Kaj Joensen flaggrøðu í hølum felagsins á 2. hædd.

 Føroyingafelagið á Fyn, ið hevur skipað fyri mánadagsdøgurða eina ferð um mánaðin, borðreiður í hesum sambandi við kalva og tilhoyri.

 Omaná verður kaffi og okkurt afturvið.

 Tað er avmarkað nøgd, so tit verða biðin um at melda til í seinasta lagið 22. apríl. Hetta verður gjørt, við at senda teldupost til Føroyingafelagið á Fyn á Denne email adresse bliver beskyttet mod spambots. Du skal have JavaScript aktiveret for at vise den.. Goldið verður við dyrnar.

 Døgurði við omaná kostar 50,- fyri limir, og 75,- fyri ikki limir, 30,- fyri børn undir 12 ár.

 So komið oman í Norðuratlantshúsið týsdagin, tann 25. apríl 2017, og heiðra Merkið og fáið ein góðan bita aftaná saman við góðum selskapi.

Rulla páskaregg á Stige Ø

Rulla páskaregg...
Rulla páskaregg...
Rulla reyð, rulla blá, rulla hvít, rulla grá...

So verður aftur í ár farið at rullað páskaregg.

Tiltakið byrjar kl. 14.00, eins og undanfarin ár. Men í ár verður tiltakið hildið á Stige Ø, tætt við tey reyðu húsini.

Tey sum skulu rulla, hava sjálvi kókaði egg við heimanífrá, men tað verður møguligt at lita eggini á staðnum, Føroyingafelagið hevur litir.

Tiltakið er ókeypis, men møguligt verður at keypa grillaðar pylsur og drekkivørur.

Øll eru vælkomin at rulla páskaregg.

Flere artikler...

Stuðlar hjá Føroyingafelagnum á Fyn